الأحد، 12 يونيو، 2016

طريقة تحضير الكريب التركي بالكفتة و الفطر

الكريب التركي

سلام عليكم و رمضان كريم بعد أسبوع من الغياب جبت ليكم طبق رمضاني بنين و سهل التحضير لي هوالكريب التركي بالكفتة و الفطر  نتمنى يعجب الجميع و بالصحة و الراحة
المقادير
مقادير الكريب التركي
 - 2 زلايف طحين
 - 3 ملاعق زبدة
 - 1 خميرة حمراء
 - قليل من الملح
 - قليل من السكر
 - حليب دافئ

مقادير الحشوة
 - 1 بصلة مشلضة
 - 4 ملاعق زيت المائدة
 - 2 خيزو محكوك
 - 2 كرعة محكوكة
 - ربع حامضة مصيرة مقطعة قطع صغيرة
 - قليل من زيتون بلا عضم مقطع
 - قليل من الشونبينيون (الفطر) الابيض
 - قليل من الشونبينيون الاسود (مرطب في الماء مغلى)
 - 150 غ من الكفتة
 - قليل من القزبر و المعدنوس
 - قليل من الملح - ابزار - سكنجبير
 - واحد فص من الثوم المحكوك
 - الشعرية الصينية
طريقة التحضير
طريقة تحضير الحشوة
واحد البصلة مشلضة في مقلات نشحروها مزيان مع الزيت و التومة و الكفتة ثم نضيف الكرعة و خيزو المحكوكين ثم الحامض و قطع الزيتون و الفطر مقطع و جميع المكونات حتى يطيبو مزيان ماعدا الشعرية الصينة.
الشعرية الصينية بعدما تصلق نصفيها و نقطعها و نشحروها في مقلات أخرى مع القليل من الزبدة و الابزار و كنور و معدنوس حتى تشحر مزيان ثم نضيفها الى الحشوة مع التحريك جيدا و نتركها تبرد قليلا.

طريقة تحضير الكريب 
كنعجنو جميع المقادير بالحليب الدافئ و نترك العجين يرتاح 20 دقيقة تقريبا و نقطعها الى كويرات صغيرة و تذلك بالمدلك و نرش بالدقيق و نعمل الحشوة داخل الكريب و نسدوهوم بحال ليشوصون و نطيبوهوم بحال طياب البطبوط.
جميع الحقوق محفوظة لــ مطبخ غزلان2016 ©