الاثنين، 13 يونيو، 2016

بطبوط معمر بالدجاج والشعرية الصينية


بطبوط معمر بالدجاج والشعرية الصينية

سلام عليكم  طبق اليوم بنين بطبوط معمر بالدجاج والشعرية الصينية  نتمنى يعجبكم
المقادير
 - بطبوط صغير الحجم (نفس عجين البطبوط العادي)

مقادير الحشوة
 - 1 بصلة مشلضة
 - 4 ملاعق زيت المائدة
 - ربع حامضة مصيرة مقطعة قطع صغيرة
 - قليل من زيتون بلا عضم مقطع
 - قليل من الشونبينيون (الفطر) الابيض
 - قليل من الشونبينيون الاسود (مرطب في الماء مغلى)
 - صدر الدجاج مقطع قطع صغيرة أو لاداند (حسب الاختيار)
 - قليل من القزبر و المعدنوس
 - قليل من الملح - ابزار - سكنجبير
 - واحد فص من الثوم المحكوك
 - الشعرية الصينية
 - لهريسة (حسب الذوق)
 - واحد كنور الدجاج
طريقة التحضير
طريقة تحضير الحشوة
واحد البصلة مشلضة في مقلات نشحروها مزيان مع الزيت و التومة و الدجاج ثم نضيف  الحامض و قطع الزيتون و الفطر مقطع و جميع المكونات حتى يطيبو مزيان ماعدا الشعرية الصينة.
الشعرية الصينية بعدما تصلق نصفيها و نقطعها و نشحروها في مقلات أخرى مع القليل من الزبدة و الابزار و كنور و معدنوس حتى تشحر مزيان ثم نضيفها الى الحشوة مع التحريك جيدا ثم نضيف الهريسة و نتركها تبرد قليلا.

و أخيرا نعمرو البطبوط ديالنا كما في الصورة و بالصحة و الراحة سيداتي,
جميع الحقوق محفوظة لــ مطبخ غزلان2016 ©