الاثنين، 17 ديسمبر 2018

بيتزا بالطون و الفرماج الاحمر


                        مقاديرتحضير بيتزا بالطون و الفرماج الاحمر  

مقادير عجين :

- زلافة دقيق
- معلقة صغيرة سنيدة
- نصف معلقة صغيرة خميرة الخبز
- 3 معالق كبار زيت بلدية
- قليل ملح
-قليل ابزار
-قليل زعتر
- حليب دافي للعجن

مقادير حشوة :

- صلصة الطماطم
- فرماج محكوك
- علبة طون
                    طريقة تحضير بيتزا بالطون و الفرماج الاحمر
 -  نخلطو جميع المقادير ونعجنوهم بالحليب ونخليو العجين يخمر.
-  نطيبو مطيشة مع زيت بلدية وملح وإبزار وزعتر يابس ،
- أولا نطلقو العجين بالمدلك  ونضعه فالمول و نتقبوه بالفرشيط ونطيبوه نصف طيبة.
- ثانيا نضع صلصة الطماطم ثم البصل و الطون واخيرا الفرماج الاحمر و ندخلها الفرح الى أن تنضج. 

السبت، 15 ديسمبر 2018

دجاج محمر او معمر في الفرن

m3amar-m7amar
                        مقاديرتحضير دجاج محمر او معمر في الفرن 

الدجاج
- قزبر و معدنوس مدقوقين
- شوية السمن حر
- زعفران زغبة
- شوية بسيبيسة
- ابزار - ملح - خرقوم عواد - سكنجبير
- الثومة مدقوقة
- الحامض مرقد مدقوق
- علبة الشومبينيو
- زيت 
- قطع من الحامض المصير للتزيين

مقادير الحشوة :
- كروفيت
- جزرة منقية و محكوكة غليظة شوية
- قرعة خضرة محكوكة 
- شومبنيو كحل مرطب في الما
- زيتون خضر مقطع
- حامض مرقد مقطع رقيق 
- الشعرية الصينية
- الزبدة
- التخليطة فيها : شوية من مطيشة الحك - الهريسة- قزبر و معدنوس- عصير الحامض 
                   - صلصة الصوجا - ملح - ابزار - تحميرة - كمون - سكنجبير

                      طريقة تحضير دجاج محمر او معمر في الفرن

ناخد الدجاج نغسلوهم و نخليوهم ينشفو تم نوجدو الشرمولة و نحاولو نشرملوه بها مزيان من الداخل و ما بين الجلدة و اللحم و نعملو شقات في اللحم بالسكين تحت الجلدة باش تشرب الشرمولة و نخليوهم يرتاحو .
 ناخد الجزر و القرعة و نشحروهم بشوية من التخليطة نحطهم في اناء و نضيفو عليهم الزيتون و الحامض المرقد و الشمبنيو الكحل لي قطعناه صغير و الكرفيت لي حتى هو شحرناه مع التخليطة و الشعرية الصينية لي رطبناها و قطعناها صغيرة نخلط الكل و ندقوه الا ناقصاه العطرية نزيدو شوية من التخليطة. ثم نعمرو به الدجاج و نخيطوه و نربطوه كله باش يبقى مجموع.
ناخد ورق الألمنيوم و نسرح وسطه ورق الطبخ و نحط الدجاجة الوسط و نسد عليها مزيان نستف الدجاج في اللاطة و ندخله الفرن و نخليه يطيب على خاطره  .

  • في حين ناخد كمية من البصلة مشلضة  نشحروها مع الثوابل لي هما  الملح، الابزار ،سكينجبير ، السمن ، شوية بسيبيسة ،الحامض مصير ، القزبور و المعدنوس،قليل من الزيت،الثومة و اخيرا الزعفران الحرو نزيدو عليهم عنق الدجاج مقطعين و نشحروهم مزيان مع التحريك المستمر. 


    m3mar-m7amar
  • ملي يطيب الدجاج نثقب ورق الاليمنيوم شوية باش يخرج لينا المرق ديال الدجاج ونضيفه للبصل المشحر ،ونستمر في التحريك و نضيف كبدة الدجاج مقطعة و الشومبينيو. 
  • و بعد نفتح على الدجاج ندهنه بالموطارد مخلط مع الهريسة و ندخله يتحمر .
  • نضعه في طبق التقديم و نزينه بقطع من الحامض و بالصحة و الراحة.

الاثنين، 10 ديسمبر 2018

معكرونة بالسلمون

                           مقاديرتحضير معكرونة بالصلصة البيضاء و السلمون
- 250 غرام عجائن ( حسب الدوق)
-  قطع صغيرة من السلمون  
-  200 غرام كريم سائلة

- كاس حليب 
-  ملعقة زبدة

- قليل ملح 
- قليل ابزار
- 1 ملعقة كبيرة زيت زيتون

للتزيين 
- قليل معدنوس
- جبن مبشور
                         طريقة تحضيرمعكرونة بالصلصة البيضاء والسلمون
  •  في ماء مملح ساخن تسلق المعكرونة  وتصفى بعد أن تنضج
  • في مقلات  نضع زيت زيتون، زبدة ، الملح ،الفلفل الأسود ثم نضيف  السلمون ثم الحليب بعدها ب  3 دقائق  نضيف الكريمة مع التحريك ثم القليل من الزعتر ونضيف العجائن يمزج الكل لمدة 3دقائق.
  •  ثم يقدم طبق المعكرونة مع رشة من الجبن المبشور ونزينها بالمعدنوس المقطع او بالصحة و الراحة.

الاثنين، 3 ديسمبر 2018

بالمي بالسكر

 

مقادير تحضير بالمي بالسكر

- عجينة مورقة
- قليل من الدقيق
- سكر حسب مقدار العجينة

طريقة تحضير بالمي بالسكر

  • نرش الدقيق لكي لا تلتصق العجينة ثم نفردها جيدا و نرشها بالسكر كاملة ثم نلفها مع كل لفة نرش السكر.
  • نقطعها على شكل بالمي  ثم ندخلها الفرن الساخن من قبل على درجة حرارة 180. ندخلها من الاعلى لكي لا تحترق و نتركها لمدة 30 دقيقة ثم نرفع الحرارة  إلى درجات قليلة و نوقد الفرن من فوق ثم نراقبها إلى أن تبدأ تتحمر ثم نخرجها و نتركها تبرد قليلا قبل تقديمها.
       " بالصحة والراحة "
جميع الحقوق محفوظة لــ مطبخ غزلان2016 ©